18-аас дээш насны иргэдийг гурав дахь тунгаар вакцинжуулж эхэллээ

Монголын мэдээ | Эрүүл мэнд
bolor@montsame.mn
2021-09-13 09:00:43

Улаанбаатар /МОНЦАМЭ/. Коронавируст халдварын эсрэг дархлааны түвшнийг нэмэгдүүлэх зорилгоор өнөөдрөөс эхлэн 18-аас дээш насны иргэдийг нэмэлт гурав дахь тунгаар вакцинжуулахаар боллоо.


Эрүүл мэндийн сайдын тушаалд зааснаар нэмэлт тун хийлгэх иргэнд коронавируст халдварын эсрэг вакцины хоёр тунд бүрэн хамрагдсан, хоёр дахь тунг тарьснаас хойш гурван сар өнгөрсөн байх шалгуур тавьж байгаа юм. Шалгуурт нийцсэн иргэнийг "Файзер" үйлдвэрийн “Комирнэти”, Синофарм үйлдвэрийн “CorV” вакцинаас сонгуулж, дархлаа сэргээх тунгаар вакцинжуулна.


Дархлаа сэргээх нэмэлт тунг хийлгэх иргэд харьяа дүүргийнхээ дархлаажуулалтын цэгт очиж, вакцинжуулалтад хамрагдах боломжтой.

Холбоотой мэдээ