Улаанбаатар
Байт харвааны ДАШТ АНУ-д эхэллээ
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Өнөөдөр буюу 9 дүгээр сарын 21-нд АНУ-ын Өмнөд Дакота мужийн Янктон хотноо байт харвааны спортын 51 дэх удаагийн Дэлхийн аварга шалгаруулах тэмцээн эхэлсэн талаар спортын сэтгүүлч Ц.Энхтүвшин /Таван цагариг/ мэдээллээ.
.
Америк тивд 6 хоногийн турш үргэлжлэх ДАШТ-д 55 орны 344 харваачид рекурв /олимпын төрөл/, компаунд гэсэн 2 төрлөөр эрэгтэй, эмэгтэй ганцаарчилсан, багийн болон холимог багийн аварга шалгаруулах 10 цогц медалийн төлөө өрсөлдөх юм.
Байт харвааны ДАШТ 1931 оноос эхлэн 2 жил тутам зохиогддог болсон бөгөөд Монголын баг тамирчид энэ удаагийн ДАШТ-д өргөн бүрэлдэхүүнтэй оролцож байна. Тухайлбал, компаунд төрөлд Г.Ганзориг, Г.Ган-Эрдэнэ, Л.Отгонбаяр /эрэгтэй/, Б.Мөнгөнчимэг, С.Болорсайхан /эмэгтэй/ нар, рекурв төрөлд Д.Дашнамжил, Э.Нармандах, Ж.Гантөгс, эмэгтэйчүүдээс А.Отгонжаргал нар цэц мэргээ сорих юм байна. ДАШТ компаунд төрлийн эрэгтэйчүүдийн хувийн чансаа тогтоох харваагаар эхэлнэ.
“Янктон -2021” ДАШТ-д
“Токио-2020” олимпын гол баатруудын нэг, байт харвааны төрлөөр нэг олимпоос 3 алтан
медаль авсан /эмэгтэй ганцаарчилсан, эмэгтэй багийн болон холимог багийн төрөлд/
анхны харваач БНСУ-ын Ан Сан болон эрэгтэй ганцаарчилсан харвааны олимпын
аварга Туркийн Мете Газоз нарын
алдартан хүрэлцэн иржээ.
Холбоотой мэдээ
