Замын сангийн хөрөнгөөр хийсэн ажлууд дуусав
ОРОН НУТГИЙН МЭДЭЭ | УВСУвс аймагт энэ жил замын сангийн хөрөнгөөр 7 ажил хийгдээд байна.
Тухайлбал, Улаангом сумын Ахлах 4 дүгээр сургуулийн урд талын автомашины зогсоолыг 36,8 сая төгрөгөөр “Тэнгэрлэг хийц” компани барьжээ. Мөн 1 дүгээр 48 айлын орон сууцны өмнөх талбайд автомашины зогсоол, явган хүний зам барих ажлыг 55,6 сая төгрөгөөр тус компани гүйцэтгэсэн. Тус компани нь Гашуун хорооллын чиглэлийн 1,2 км-т сайжруулсан хайрган замыг 27 сая төгрөгөөр тавьснаас гадна Икэл хөгжмийн талбайн тохижилтын ажлыг 15 сая төгрөгөөр гүйцэтгэв.
Чандманын 1 дүгээр буудлаас 2 дугаар буудал хүртэл 1,4 км-т сайжруулсан хайрган зам тавих ажлыг 35,1 сая төгрөгөөр “Увс АЗЗА” төрийн өмчит компани гүйцэтгэсэн байна. Түүнчлэн тус компани нь Улаангом сумын 6 дугаар багт Улиасны хэвийн чиглэлд автобусны зогсоол барих, 350 м-т сайжруулсан шороон зам тавих ажлыг ч гүйцэтгэжээ.
Харин Хөндлөнгийн голын гүүрийг 24,9 сая төгрөгөөр “Энержи Импайр” компани барьжээ.
Замын сангийн хөрөнгөөр хийгдэх ажлууд бүгдээрээ хийгдэж, ашиглалтад ороод байна. Үндсэндээ 7 ажлыг гурван компани хувааж авч гүйцэтгэсэн байна.
Увс аймаг Б.Батхүү