Улаанбаатар
AIBA эмэгтэйчүүдийн боксын ДАШТ-ийг 3 сараар хойшлуулав
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Олон улсын боксын холбоо /AIBA/-ноос эмэгтэйчүүдийн боксын дэлхийн аварга шалгаруулах тэмцээнийг 2021 оны 12 дугаар сарын 6-19-нд Туркийн Истанбул хотноо болох байсныг 3 сараар хойшлуулах шийдвэр гаргажээ.
AIBA тэмцээнийг зохион
байгуулах арга хэмжээг чанд баримтлахын тулд шаргуу ажиллаж байгаа ч маш олон
үндэсний холбоод улс орнууддаа хүнд нөхцөл байдал, хязгаарлалттай тулгарч байна
гэсэн санал хүсэлтийг хүлээн авсан байна.
Туркийн боксын үндэсний холбоо, AIBA -гийн Удирдах зөвлөлтэй зөвшилцөж эмэгтэйчүүдийн ДАШТ-ийг 2022 оны 3 дугаар сард явуулахаар болжээ.
“Зарим орны багууд энэ тэмцээнд
бэлдээд эхэлчихсэн байсан учраас тэд сэтгэл дундуур байх болно гэдгийг бид
мэдэж байна. Гэхдээ AIBA-гаас тамирчид, албаны хүмүүс болон бусад сонирхогч
талуудын аюулгүй байдлыг эн тэргүүнд тавьж байна" гэж AIBA-гийн
ерөнхийлөгч Умар Кремлев хэлсэн байна.
Холбоотой мэдээ
