Улаанбаатар
Онлайн блиц шатрын тэмцээн ням гарагт болно
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Орчин цагийн шинжлэх ухааны байгууллага үүсэн хөгжсөний 100 жил, Шинжлэх ухааны академи байгуулагдсаны 60 жилийн ойд зориулсан шатрын тэмцээн 11 дүгээр сарын 21-нд болно.
Шинжлэх ухааны доктор,
профессор Монгол Улсын Төрийн соёрхолт эрдэмтэн Р.Энхбатын санаачилгаар зохион
байгуулж буй тус тэмцээн онлайн блиц хэлбэрээр болох
юм байна.
Тодруулбал, ирэх ням
гарагт /2021.11.21/ 11 цагаас http: // lichess.org цахим платформ дээр Монголын шатрын холбооны /А, Б/
ангилалаар явагдаж шилдгүүдээ шалгаруулна.
Оюун ухааны спорт шатрыг олон нийтэд сурталчилах, шатарчдын чөлөөт цагийг зөв боловсон өнгөрөөх, ур чадварыг дээшлүүлэх зорилгоор тус тэмцээнийг ШУА-ийн Математик, тоон технологийн хүрээлэн, Монголын шатрын холбоо, “Шаг дуг цод” шатрын клубээс хамтран зохион байгуулж байна.
