Улаанбаатар
Их аварга Тэрүнофүжи 4 даваатай байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Японы мэргэжлийн сумо бөхийн Кюүшү башёгийн 4 дэх өдрийн барилдаанд 73 дахь Их аварга Тэрүнофүжи Г.Ган-Эрдэнэ, Оношо /М-2/-той учраа таарч, түүнийг кимэдаши мэхээр хаяж 4 даваатай болов.
Маргааш Их аварга Тэрүнофүжи Таканошотой барилдана. Энэ өдөр Комүсүби Ичиножёо А.Ичинноров, Сэкивакэ Митакэүмитэй барилдан түүнд ошидаши мэхээр унаснаар 2 унаатай, 2 даваатай болов.
Комүсүби Кирибаяама
Б.Лхагвасүрэн, Таканошо/М-2/-той барилдан түүнд ошидаши мэхээр ойчиж 4 унаатай башёг үргэлжлүүлж байна.
Хошёорюү С.Бямбасүрэн /М-5/, Эндо /М-4/-той хүч үзэж түүнд шитатэнагe мэхээр унаснаар 3 унаатай болов.
Тамаваши Б.Мөнх-Оргил/М-6/, Чиёошома Г.Мөнхсайхан /М-7/-тай учраа таарч түүнийг цүкидаши мэхээр давснаар тэд адилхан 3 даваа, 1 унаатай байна.
Озэки Шодай, Вакатакакаге /М-1/-тэй
таарч барилдан, түүнийг ошидаши мэхээр давж 3 даваатай боллоо.
Озэки Такакэйшо, Дайэйшо
/М-1/-той хүч үзэн түүнийг цүкиотоши мэхээр хаяж 4 даваатай болов.
Сэкиваке Мэисэй, Мёогирюү
/М-3/-тэй таарч түүнийг цүкиотоши мэхээр хаяж, 2 даваа, 2 унаатай байна.
