46 ширхэг хүлэмжийг тариалан эрхлэгч нарт нийлүүлнэ
ОРОН НУТГИЙН МЭДЭЭ | ӨМНӨГОВЬӨмнөговь аймагт газар тариалан эрхэлдэг иргэдээ дэмжиж ажилладаг бөгөөд энэ жил "Говийн Оюу хөгжлийг дэмжих сан"-д 150 сая төгрөгийн өртөг бүхий "Оюу хүлэмж" төслийг дэмжжээ.
Энэ сарын 8-нд нээлттэй тендер зарлаж хуулийн хугацаанд буюу 8 дугаар сарын 4-нд уг тендерээ нээх аж. Дээрх төслийн хүрээнд 46 ширхэг хүлэмж 1 тоннын багтаамжтай усны савны хамтаар аж ахуй эрхлэгч нарт хүргэхээр төлөвлөж байна.
Ингэснээр хүлэмжийн тариалалтыг нэмэгдүүлж, хүнсний ногооны хэрэглээг дотооддоо 35-40 хувьд хүргэх боломжтой гэнэ.
"Үнэлгээний хорооны хурлаар дэмжигдсэн аж ахуй нэгж байгууллагатай захиалагч гэрээ байгуулан, хүлэмжийг хүлээн авч сумдад хувиарлах юм" гэж тус аймгийн ХХААГ-ын Хүнс, Газар тариалангийн хэлтсийн дарга Б.Энхбаатар ярилаа.
Өмнөговь аймаг Д.Мишигсүрэн