Улаанбаатар
ШУТИС-д компьютерийн иж бүрэн лаборатори хүлээлгэн өгөв
МОНГОЛЫН МЭДЭЭ | БОЛОВСРОЛ
Улаанбаатар /МОНЦАМЭ/. "Рио Тинто Монгол", “Оюутолгой” ХХК ШУТИС-ийн Геотехникийн оюутан, профессоруудад зориулсан Компьютерийн иж бүрэн лаборатори байгуулж хүлээлгэн өглөө.
"Рио
Тинто Монгол", “Оюутолгой” ХХК ШУТИС-ийн Геологи, уул уурхайн сургуультай
хамтарч “Уул уурхайн геотехникийн мэргэжилтний чадамжийг дээшлүүлэх төсөл”-ийг
2019-2025 онд хэрэгжүүлэхээр харилцан ойлголцлын санамж бичиг байгуулсан.
Уул
уурхайн амин сүнс болсон геотехникийн салбарт хөрөнгө оруулж, тус лабораторийг
нээснээр:
-Геотехникийн мэргэжлээр
сурч байгаа оюутнууд мэргэжлийн программ хангамж ашиглаж сургалт судалгаа хийх,
ажлын байранд программ хангамж ашиглах бүрэн чадавхтай төгсөх
-Багшлах боловсон хүчний
сургалт, судалгааны ажлыг чанаржуулах, ажлын талбар дээрх программ хангамжийг
ашиглан судалгааны ажлуудыг гүйцэтгэх боломж бүрдэж байна.
Тус
лаборатори дэлхийн хамгийн дэвшилтэт уурхайнуудад нэвтэрсэн Roscience-ийн
программ хангамж, судалгаа, шинжилгээний хэрэгслүүдийг ашиглан симуляц хийх,
дадлагажих боломжийг олгох юм. Тухайлбал, геологийн өгөгдөл дүрслэх “Dips”,
налуулгийн тогтвортой байдлыг тооцоолох “Slide”, гадаргуйн геометр тэнцвэр
тооцох “Swedge” зэрэг 17 мэргэжлийн лицензтэй программд мэргэших юм.
Үүнээс
гадна талууд хамтарсан гэрээний дагуу 2025 оныг хүртэл уул уурхай, тэр дундаа
гүний уурхайн үйл ажиллагаанд шаардагдах мэргэжилтнүүдийн ур чадварын хомсдол,
үйлдвэрлэлд тулгараад байгаа бэрхшээлийг хамтран шийдвэрлэхээр ажиллаж байгаа аж.
"Рио Тинто" групп 150 жилийн турш уул уурхайн салбарт хуримтлуулсан мэдлэг туршлага, технологио "Оюу толгой" төслөөр дамжуулан Монголд нутагшуулж байна. Мөн ирээдүйн чадварлаг инженер, техникийн мэргэжилтнүүдийг бэлтгэхэд ШУТИС-тай хамтарч буй нь Монголын боловсролын салбарт оруулж буй бодитой хувь нэмэр юм.
