Улаанбаатар
АНУ-ын Төрийн нарийн бичгийн дарга асан Хенри Киссинжер таалал төгсжээ
ДЭЛХИЙН МЭДЭЭ | УЛС ТӨР
ВАШИНГТОН, 2023 оны
арваннэгдүгээр сарын 30 /BBC/. АНУ-ын Төрийн
нарийн бичгийн дарга асан, Нобелийн Энх тайвны шагналт Хенри
Киссинжер 100 насандаа таалал төгсжээ.
Тэрбээр АНУ-ын Ерөнхийлөгч Ричард Никсон болон Жеральд Фордын засаг захиргааны
үед Төрийн нарийн бичгийн дарга, Үндэсний аюулгүй байдлын зөвлөхөөр ажиллаж байсан
билээ.
Х.Киссинжерийн үүсгэн байгуулсан зөвлөгөө өгөх үйлчилгээ эрхэлдэг "Kissinger
Associates" фирмийн мэдэгдэлд дурдсанаар, Германд төрсөн дипломатч асан
Коннектикут муж улс дахь гэртээ таалал төгсжээ. Тэрбээр АНУ-ын гадаад бодлого,
аюулгүй байдлын бодлогод чухал үүрэг гүйцэтгэсэн юм.
Түүний нас барсан шалтгааны талаар мэдэгдэлд дурдаагүй байна. Х.Киссинжер 1973 онд Германд төрсөн бөгөөд 1938 онд гэр бүл нь нацист Германаас дүрвэх үед анх АНУ-д иржээ. Улмаар 1943 онд тус улсын иргэн болж, армид гурван жил алба хаасныхаа дараа Сөрөх тагнуулын корпуст ажиллажээ.
Бакалавр, магистр, докторын зэрэг хамгаалсныхаа дараа тэрбээр Харвардын их сургуульд олон улсын харилцааны чиглэлээр багшилж байв. 1969 онд тухайн үеийн Ерөнхийлөгч Ричард Никсон түүнийг Үндэсний аюулгүй байдлын зөвлөхөөр томилсноор хоёр засаг захиргааны үед Америкийн гадаад бодлогод асар их нөлөө үзүүлсэн билээ.
