Улаанбаатар
ДОРНОГОВЬ: Өсвөрийн үндэсний хөгжмийн хамтлагуудын тоглолт боллоо
ОРОН НУТГИЙН МЭДЭЭ | ДОРНОГОВЬ
Сайншанд, 2024 оны зургаадугаар сарын 21 /МОНЦАМЭ/. Сайншанд сумын ерөнхий боловсролын тавдугаар сургуулийн “Болор эгшиглэн”, Өмнөговь аймгийн сурагчдын “Гурван сайхны эгшиглэн” хамтлагийн хамтарсан үндэсний хөгжмийн тоглолт Сайншанд хотод зургаадугаар сарын 20-нд боллоо.
Говийн сурагчдын үндэсний хөгжмийн хамтлагийн хамтарсан тоглолт анх
удаагаа болсон бөгөөд өөрийн
гэсэн өвөрмөц онцлогтой, баялаг түүхтэй хоёр хамтлагийн тоглолтын суудлыг
үзэгчид дүүргэсэн юм. “Болор
эгшиглэн” хамтлаг нийслэлийн Хүүхдийн ордонд энэ оны тавдугаар сарын 18-нд
тоглолтоо олны хүртээл болгож байсан.
Өсвөрийн хөгжимчид мэргэжлийн түвшний ур чадварыг үзүүлж, ардын
хөгжмийн ая эгшгээр хурсан олны сэтгэлийг мялаасан юм. Харин
хоёр аймгийн авьяаслаг сурагчид Даланзадгад хотын “Хөгжимт жүжгийн театр”-т зургаадугаар сарын 23-ны 18:00 цаг тоглохоор Өмнөговь аймгийн зүг хүлгийн жолоо залсан
байна. Арав гаруй жилийн түүхтэй “Болор-эгшиглэн" хамтлагийг
МУСТА, хөгжмийн багш Б.Баттайван удирдан ажилладаг.
Тус хамтлаг аймаг, улсын хөгжмийн олон тэмцээнд амжилттай оролцож олон арван хүүхдийг хөгжмийн боловсролд хөтөлжээ.
