Улаанбаатар
Хөл бөмбөгийн оны шилдэг дасгалжуулагчийн шагналд өрсөлдөгчдийг зарлажээ
ДЭЛХИЙН МЭДЭЭ | СПОРТ
МОСКВА, 2024 оны есдүгээр сарын
5 /РИА Новости/. France Football сэтгүүлээс жил бүр тодруулдаг "Оны шилдэг
дасгалжуулагч"-ийн шагналын төлөө өрсөлдөх хүмүүсийн нэрсийг тус сэтгүүлийн Х
сүлжээн дэх хуудсанд нийтэлжээ.
Шагналд өрсөлдөгчдийн жагсаалтад Хаби
Алонсо (Испани; "Байер"), Карло Анчелотти (Итали; "Реал",
Мадрид), Луис де ла Фуэнте (Испани; Испанийн шигшээ баг), Жан Пьеро Гасперини
(Итали; "Аталанта"), Хосеп Гвардиола (Испани; "Манчестер
Сити"), Лионель Скалони (Аргентин; Аргентины шигшээ баг) нар багтсан байна.
Мөн оны шилдэг клубийн шагналын
төлөө "Боруссия" (Дортмунд, Герман), "Жирона" (Испани),
"Байер" (Леверкузен, Герман), "Реал" (Мадрид, Испани),
"Манчестер Сити" (Англи) клубүүд өрсөлдөнө.
2023/2024 оны улирлын шилдгүүдэд шагнал гардуулах 68 дахь удаагийн ёслолын
ажиллагаа 10 дугаар сарын 28-нд Парисын Шатле театрт болно. Энэ үеэр шилдэг эрэгтэй,
эмэгтэй хөлбөмбөгчдийн “Алтан бөмбөг” шагнал, шилдэг хаалгачид олгодог Л.Яшины
нэрэмжит шагнал, 21 хүртэлх насны шилдэг тоглогчид олгодог “Копа” шагнал, Херд
Мюллерийн нэрэмжит шагнал, эрэгтэйчүүдийн шилдэг клуб, эмэгтэйчүүдийн шилдэг
клубийн шагналуудыг тус тус гардуулах юм.
Мөн энэ оноос эхлэн эрэгтэйчүүдийн багийн “Оны шилдэг дасгалжуулагч”,
эмэгтэйчүүдийн багийн “Оны шилдэг дасгалжуулагч” шагналыг олгож байна.
