Улаанбаатар
ӨВӨРХАНГАЙ: Арвайхээрт гэр нурж, байшингийн дээвэр хуурлаа
ОРОН НУТГИЙН МЭДЭЭ | ӨВӨРХАНГАЙ
Арвайхээр, 2024 оны арваннэгдүгээр сарын 27 /МОНЦАМЭ/. Өчигдөр өглөөнөөс оройны 22:00 цаг хүртэл аймгийн ихэнх нутгаар цасан болон хүчтэй шороон шуурга шуурч, салхины хурд 16-18 м/с хүрлээ.
Арвайхээр суманд цахилгаан дамжуулах агаарын шугамын тулгуур шон унасны улмаас ихэнх багт цахилгаан тасарч, ЭБЦТС-ын Өвөрхангай аймаг дахь салбарын засварын бригад ажиллав.
Мөн 6, 8, 9 хороонд таван байшингийн дээвэр хууларч, 4, 5, 11 дүгээр багт 4, 5 ханатай гурван гэр нурсан дуудлага мэдээллийг аймгийн Онцгой байдлын газарт хүлээн авч, холбогдох байгуулагуудад уламжлан арга хэмжээ авчээ.
Ирэх өдрүүдэд цаг агаар тогтуун, +5 градустай байх бол ням гаргаас дахин хүйтний эрч чангарч, цас орох урьдчилсан төлөвтэй байна.
