Улаанбаатар
Италийн Супер цомын тэмцээний аваргын төлөө “Милан”, “Интер” багууд тоглоно
ДЭЛХИЙН МЭДЭЭ | СПОРТ
ЭР-РИЯД, 2025 оны нэгдүгээр сарын 4 /TASS/. Саудын Арабад болж буй Италийн Супер цомын тэмцээний хагас шигшээ тоглолтод “Милан” баг “Ювентус”-ыг 2:1-ээр хожлоо.
Тоглолтын 21 дэх минутад “Ювентус” багийн хагас хамгаалагч Кенан Йылдыз гоолдсон бол “Милан” багийн довтлогч Кристиан Пулишич 71 дэх минутад бөмбөг оруулж тооны харьцааг тэнцүүлжээ. Тоглолтын 76 дахь минутад “Ювентус”-ын хамгаалагч Федерико Гатти өөрийн хаалганд гоол оруулсан байна.
“Милан”-ы хөлбөмбөгчид аваргын төлөө “Интер” багтай нэгдүгээр сарын 6-нд тоглоно. “Интер” баг 1/2 шигшээ тоглолтод “Аталанта”-г 2:0-ээр хожжээ.
Италийн Супер цомын тэмцээн хоёр дахь удаагаа дөрвөн баг оролцсон хасагдах системээр явагдаж байна. Тэмцээнд Италийн аварга (Интер), дэд аварга (Милан), мөн тус улсын цомын аварга (Ювентус), финалд шалгарсан (Аталанта) багууд оролцож байна.
Супер цомын сүүлийн гурван тэмцээнд "Интер" баг аваргалсан бөгөөд тус баг нийт 8 удаа түрүүлжээ. Тус тэмцээнд хамгийн олон буюу 10 удаа түрүүлсэн баг бол "Ювентус" бөгөөд “Милан” баг долоон удаа аваргалжээ. Харин “Атланта” клуб анх удаа оролцсон байна.
