Улаанбаатар
ДОРНОГОВЬ: Хийцтэй цай үйлдвэрлээд хэрэглэгчдийн таашаалд нийцүүлж чаджээ
ОРОН НУТГИЙН МЭДЭЭ | ДОРНОГОВЬ
Сайншанд, 2025 оны нэгдүгээр сарын 6 /МОНЦАМЭ/. Дорноговь аймгийн Иххэт сумын гуравдугаар багийн иргэн М.Пүрэвдулам нутгийн онцлогийг шингээсэн аягатай хийцтэй цайг үйлдвэрлээд хэдийнэ олны танил, хэрэглэгчдийн таашаалд нийцүүлсэн бүтээгдэхүүн болгож чаджээ.
Нэг удаагийн аягатай хийцтэй цайны орцонд хуурай сүү, борц, гэрийн аргаар хийсэн боорцог, таван грамм шар тос багтдаг бөгөөд доторх түүхий эдийг малчдын гар дээрээс шууд авдаг нь үйлдвэрлэсэн бүтээгдэхүүнийхээ чанар, эрүүл аюулгүй байдлын баталгааг хангадаг байна.
Хийцтэй цайг хэрэглэхдээ буцалгасан 200 гр усанд орцонд орсон
түүхий эдийг хийж зөөлөн хутгаж хэдэн минут байлгаад хэрэглэх юм. Энэ нь өглөө
эрт ажилдаа явдаг хүмүүс, аялагч жуулчид болон хол ойроос зорин ирсэн хүмүүст
тохирсон, хэрэглэхэд хялбар нутгийн брэнд бүтээгдэхүүн юм.
Дорноговь аймгийн
төв Сайншанд, Замын-Үүд, Хэнтий, Улаанбаатар хотод худалдааны төвүүд болон
гадаадад захиалгаар нийлүүлж нэг ширхгийг нь 5000 төгрөгөөр худалддаг байна.
