Улаанбаатар
Засгийн газрын хуралдаанаар Гашуунсухайтын төмөр замын холболтын асуудлыг хэлэлцэж байна
МОНГОЛЫН МЭДЭЭ | УЛС ТӨР
Улаанбаатар, 2025 оны хоёрдугаар сарын 11 /МОНЦАМЭ/. Засгийн газрын ээлжит хуралдаан Төрийн ордонд үргэлжилж байна.
Хуралдаанаар Нийслэлийн шуурхай штабын V хуралдааны үр дүн, “Хөгжлийн бодлого, төлөвлөлтийн мэдээллийн нэгдсэн сангийн талаар авах арга хэмжээний тухай” Засгийн газрын тогтоолын төсөл, “Зөвлөлийн бүрэлдэхүүн, ажиллах журам, төвийн дүрмийг батлах тухай” Засгийн газрын тогтоолын төсөл /Эдийн засгийн хөгжлийн зөвлөлийн бүрэлдэхүүн, ажиллах журам, Эдийн засгийн хөгжлийн төвийн дүрэм/, “Олон улсын гэрээний жишиг нөхцөл хэрэглэх тухай” Засгийн газрын тогтоолын төсөл, Гашуунсухайтын талаар авах зарим арга хэмжээ, Улсын аварга малчин шалгаруулах тухай зэрэг асуудлыг хэлэлцэж байна.
Тус хуралдааны товд 26 асуудал багтсан аж.
