Улаанбаатар
СЭЛЭНГЭ: Олон улсын хүүхдийн номын өдөр тохиож байна
ФОТО МЭДЭЭ
Сүхбаатар, 2025 оны дөрөвдүгээр сарын 2 /МОНЦАМЭ/. 1967 оноос эхлэн Данийн үлгэрийн зохиолч
Ханс Кристиан Андерсений төрсөн өдрийг буюу дөрөвдүгээр сарын 2-ны өдрийг Олон улсын хүүхдийн номын өдөр болгон
тэмдэглэж иржээ.
Ханс
Кристиан Андерсен 1805 оны дөрөвдүгээр сарын 2-нд Дани улсын Оденсе хотноо
төрсөн байна. Түүний зохиолоос дурдвал "Нугасны
муухай дэгдээхэй", "Эрэлхэг тугалган цэрэг", "Цасан
хатан", "Бяцхан лусын дагина", "Ямх охин",
"Шүдэнз зардаг бяцхан охин" зэрэг зохиолуудыг дэлхийн өнцөг булан
бүрийн хүүхдүүд амтархан уншиж байна.
Энэхүү дэлхийн хүүхдийн номын өдрөөр Сэлэнгэ аймгийн Сүхбаатар сумын 4 дүгээр цэцэрлэгийн багачууд номын өргөөнд зочиллоо.
Хүүхдүүд аймгийн Нийтийн номын сангийн хүүхдийн уншлагын танхимд зочилж, монгол болон англи зурагт ном үзэж, буддаг зураг будаж, Х.Х.Андерсений "Нугасны муухай дэгдээхий" үлгэрийн бичлэг үзэж, үлгэрийн баатруудтай зургаа татууллаа.
