Хүүхдийн нүдний эрүүл мэндэд анхаарна

Монголын мэдээ | Эрүүл мэнд
bolor@montsame.mn
2017-01-26 16:41:30

ЭМЯ, ЭХЭМҮТ-ийн Тандалт судалгааны алба, Нүдний мэс заслын тасаг, ORBIS хамтран “Хүүхдийн нүдний эрүүл мэндийн тандалтын тогтолцооны журмын танилцуулга, программ хангамжийн сургалт”-ыг энэ сарын 24-27-нд танхимын болон онлайн гэсэн үе шаттай зохион байгуулж байна.

Сургалтад Улаанбаатар хотын дүүргийн ЭМТ-үүд, хувийн хэвшлийн эмнэлгүүд, 21 аймгийн нүдний эмч, сувилагч, өрх, сум, сургуулийн эмч нар онлайнаар оролцож “Хүүхдийн нүдний эрүүл мэндийн мэдээллийн программ хангамж”-тай танилцан, дадлага ажил хийлээ.

Сургалтад оролцогсод хүүхдийн нүдний эрүүл мэндийн тандалтын журмын талаар ойлголттой болж, хүүхдийн нүдний өвчлөлийн тандалтын мэдээ, мэдээллийн маягтыг бөглөх аргачлал, програм хангамжийг ашиглахад суралцаж, хүүхдийн нүдний эрүүл мэндийн мэдээг цаг хугацаанд нь үнэн зөв мэдээлж хэвших юм. 

Ж.Болор

Холбоотой мэдээ