Хүндийн өргөлтийн тэмцээнд Хөвсгөлийнхэн аваргалав

ОРОН НУТГИЙН МЭДЭЭ | БАЯН-ӨЛГИЙ
erdenechimeg@montsame.mn
2015-10-19 16:02:27

Хүндийн өргөлтөөр улсын аварга шалгаруулах тэмцээн Өлгий суманд хоёр хоног явагдаж өчигдөр шувтарлаа.

Уг тэмцээн тус аймагт 35 жил алгасаад хоёр дахь удаа зохиогдлоо. Монгол Улсын спортын мастер ахмад тамирчин Р.Дарипханы нэрэмжит энэ тэмцээнд 90 орчим тамирчин оролцлоо. Багийн оноогоор Хөвсгөл аймгийн тамирчид түрүүлж, удаахь байрыг Өвөрхангай аймгийнхан эзлэв. Манай аймгийнхан гуравдугаар байранд орж муугүй амжилт үзүүлсэний дээр нэгдүгээр дунд сургуулийн сурагч Т.Ибрахим 56 кг-ын жинд алтан медаль зүүв. Манай нутгийн уугуул, одоо Казахстанд оршин суудаг нэрт тамирчин Т.Мендихан, Д.Өмиртай нар манайд 2500 ам. долларын үнэтэй штанг бэлэглэлээ гэж биеийн тамир спортын газрын дарга Х.Хайнар мэдээллээ.

Ш.Айзаря

Холбоотой мэдээ