УИХ дахь нам, эвслийн бүлгүүд хуралдана

МОНГОЛЫН МЭДЭЭ | УЛС ТӨР
mn_tuul@montsame.mn
2015-11-16 07:20:28

УИХ дахь нам, эвслийн бүлгүүд өнөөдөр хуралдаж, энэ 7 хоногт байнгын хороод болон чуулганы нэгдсэн хуралдаанаар хэлэлцэх хууль, тогтоолын төслүүдэд баримтлах байр сууриа нэгтгэнэ.

УИХ дахь АН-ын бүлэг "А" танхимд, МАН-ын бүлэг "Б" танхимд, МАХН-МҮАН-ын "Шударга ёс" эвслийн бүлэг "В" танхимд тус тус хуралдах бол Бие даагчдын зөвлөл уламжлал ёсоор "Г" танхимд 11.00 цагт мэдээлэл хийх юм.

Энэ долоо хоногт байнгын хороо болон нэгдсэн чуулганы хуралдаанаар Ард нийтийн санал асуулга явуулах тухай хуульд өөрчлөлт оруулах тухай, УИХ-ын сонгуулийн тухай хуульд өөрчлөлт оруулах тухай, УИХ-ын сонгуулийн тухай хуульд нэмэлт, өөрчлөлт оруулах тухай, Хамтын тэтгэврийн тухай зэрэг олны анхаарлын төвд буй хэд хэдэн хууль, тогтоолын төслийн шат шатны хэлэлцүүлгийг хийх аж.

Б.Туул 

 

Холбоотой мэдээ