Гуантанамогийн шоронг хаах төлөвлөгөөнөөс татгалзжээ
ДЭЛХИЙН МЭДЭЭ | УЛС ТӨРВАШИНГТОН. /AP/. Пентагоны танилцуулсан Гуантанамо дахь шоронг хаах тухай төлөвлөгөөнөөс АНУ-ын Ерөнхийлөгчийн засаг захиргаа татгалзсан байна. Уг төлөвлөгөөг Цагаан ордон хэт өндөр зардалтай байна гэж үзжээ.
Гуантанамогийн шоронг хаахад Пентагон 600 сая доллар гаргахыг хүссэн байна. Үүний 350 саяыг нь АНУ-д шинэ шорон барихад зарцуулахаар төлөвлөжээ.
Гуантанамогийн шоронг татан буулгах жилийн зардал нь 400 сая доллар аж. Арваннэгдүгээр сард баталсан АНУ-ын батлан хамгаалахын төсөвт уг шоронгийн хоригдлуудыг өөр шоронгууд руу шилжүүлэхэд гаргах хөрөнгө мөнгийг тусгаагүй байна.
Гуантанамогийн шоронг хаах нь АНУ-ын Ерөнхийлөгч Барак Обамагийн сонгуулийн амлалтуудын нэг юм. Одоогийн байдлаар тус шоронд 2001 оны есдүгээр сарын 11-нээс хойш олон улсын террорист үйл ажиллагаанд оролцсон хэрэгт сэжиглэгдэн баривчлагдсан 107 хүн хоригдож байгаа аж.
Д.Жаргал