“Тамирчдын хотхон”-д 2500 гаруй тамирчин төвхнөжээ
МОНГОЛЫН МЭДЭЭ | СПОРТ![](/files/669f138ab0a98.jpeg)
Улаанбаатар, 2024 оны долоодугаар сарын 23 /МОНЦАМЭ/. Олимпын наадмын зүрх болсон “Олимпын тосгон” үүдээ нээж зочдоо хүлээж авч эхэлсэн талаар бид мэдээлсэн.
Манай багаас бокс, жүдо,
байт харваа, дугуй, хөнгөн атлетик, усанд сэлэлтийн тамирчид хотхондоо байрласан
байна. Өнөөдрийн байдлаар “Тамирчдын хотхон”-д 2500 гаруй тамирчин төвхнөжээ.
Энэхүү хотхонд нэг ч агааржуулагч байхгүй. Харин өрөөнүүдийг газрын гүний усыг татдаг хөргөлтийн системээр тоноглож, цонхнуудыг нарны шууд тусгал бага тусдаг байхаар тохируулжээ. Зохион байгуулагчид энэ удаагийн олимп, паралимпын наадмаар нүүрстөрөгчийн хийн ялгаралыг 1.58 сая тонн хүртэл хязгаарлахаар төлөвлөсөн. Энэ нь түүхэн дэх хамгийн “Ногоон Олимп” байх болно.