Ulaanbaatar
Хөвсгөлийн уулс, Онон, Улз голын хөндийгөөр бороо орно
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2025 оны наймдугаар сарын 18 /МОНЦАМЭ/. Манай орны нийт нутгаар өнөөдөр 20 цаг хүртэл солигдмол үүлтэй. Хангай, Хөвсгөлийн уулархаг нутаг, Онон, Улз голын хөндийгөөр бороо, дуу цахилгаантай аадар бороо орно.
Салхи ихэнх нутгаар баруунаас секундэд 5-10 метр, борооны өмнө түр зуур ширүүсэх аж.
Дархадын хотгор, Монгол-Алтай, Хангай, Хөвсгөл, Хэнтийн уулархаг нутаг, Тэрэлж, Онон, Улз голын хөндийгөөр +20-+25, говийн бүс нутгийн өмнөд хэсгээр +30-+35, бусад нутгаар +24-+29 градус дулаан байна.
Төв болон говийн аймгуудын ихэнх нутаг, зүүн аймгуудын нутгийн баруун хэсгээр 20-нд, зүүн аймгуудын нутгаар 21-нд бороо үргэлжлэн орж, сэрүүсэхийг ЦУОШГ-аас мэдээлжээ.
