Ulaanbaatar
Хүчтэй аадар борооны улмаас 30 гаруй айлын гэр нуржээ
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Архангай аймгийн Өндөр-Улаан суманд 7-р сарын 25-ны орой 20.00 цагийн үед түр зуурын хүчтэй салхитай усархаг аадар бороо, мөндөр оржээ. Үүний улмаас сумын төвийн 30 гаруй айлын гэр, хашаа нурж, байшингийн дээвэр хууларсан байна. Аймгийн ОБГ-аас 5 хүний бүрэлдэхүүнтай ажлын хэсэг гарч, хохирлын хэмжээг тогтоохоор ажиллаж байна.
Аадар борооны үеэр хүн гэмтэж бэртээгүй, хоёр ахмад настай хүн байсныг эмнэлэгт хэвтүүлэн эмчлүүлж байна.
Мөн Өндөр-Улаан суманд цахилгааны 10 шон, Тариатад 5 шон унажээ. Үүний улмаас Өндөр-Улаан, Тариат, Тариат сумын Цагаан нуур баг, Хангай, Цахир, Чулуут сумд, Хөвсгөл аймгийн 3 сум, Завханы Их-Уул сумын гээд нийт гурван аймгийн 9 сумын цахилгаан тасарсан байна. Өнөөдрийн байдлаар Архангай, Өвөрхангай аймгийн Эрчим хүчний байгууллагын 40 гаруй хүн цахилгааны шон босгох ажлыг хийж байна.
Аадар борооны үеэр хүн гэмтэж бэртээгүй, хоёр ахмад настай хүн байсныг эмнэлэгт хэвтүүлэн эмчлүүлж байна.
Мөн Өндөр-Улаан суманд цахилгааны 10 шон, Тариатад 5 шон унажээ. Үүний улмаас Өндөр-Улаан, Тариат, Тариат сумын Цагаан нуур баг, Хангай, Цахир, Чулуут сумд, Хөвсгөл аймгийн 3 сум, Завханы Их-Уул сумын гээд нийт гурван аймгийн 9 сумын цахилгаан тасарсан байна. Өнөөдрийн байдлаар Архангай, Өвөрхангай аймгийн Эрчим хүчний байгууллагын 40 гаруй хүн цахилгааны шон босгох ажлыг хийж байна.
Б.Гэрэлт-Од
