“Гамлет” монодрам үзэгчдийн хүртээл болно
МОНГОЛЫН МЭДЭЭ | СОЁЛ УРЛАГУлаанбаатар /МОНЦАМЭ/. Дэлхийн эмгэнэлт, сонгодог жүжгийн тэргүүнд бичигддэг Уильям Шекспирийн эмгэнэлт "Гамлет" жүжгийг “Green entertainment”-ийн уран бүтээлчид энэ сарын 24, 25-нд Корпорэйт Конвеншн төвийн тайзнаа монодрам болгон үзэгчдэд хүргэнэ.
Монодрамын ерөнхий найруулагчаар С.Баасанжаргал ажиллаж буй бөгөөд гол дүрд жүжигчин Л.Эрдэнэ-Очир тоглох юм. Гурав дахь удаагаа тайзнаа тоглож буй уг эмгэнэлт жүжгийн хөгжмийн зохиолчоор Г.Онон, зураачаар Т.Болортүвшин болон "Green entertainment"-ийн уран бүтээлч 20-иод хүний бүрэлдэхүүнтэй ажиллаж байна.
Жүжгийн тасалбар
80, 100 мянган төгрөгийн үнэтэй бөгөөд ticket.mn, 1900-1800-аар захиалах
боломжтой.