Улаанбаатар
БСШУС-ын сайд Ё.Баатарбилэг ажил эрчимжүүлэх тушаал гаргав
МОНГОЛЫН МЭДЭЭ | БОЛОВСРОЛУлаанбаатар /МОНЦАМЭ/. БСШУС-ын сайд Ё.Баатарбилэг яамны албан хаагчдыг мэргэшүүлэх, хариуцлагатай ёс зүйтэй байхад чиглэсэн “Ажил эрчимжүүлэх, хариуцлагажуулах талаар авах арга хэмжээний тухай” тушаал гаргалаа.
Тушаалд, УИХ-аас баталсан Засгийн газрын
2016-2020 оны үйл ажиллагааны хөтөлбөр, Эдийн засаг, нийгмийг 2019 онд
хөгжүүлэх чиглэл, Засгийн газрын 2018 оны “Төрийн албаны сахилга, хариуцлага,
дэг журмыг чангатгах, тухай” 258 дугаар тогтоол, сахилга хариуцлагыг сайжруулах
чиглэлээр баталсан албан даалгаврыг хэрэгжүүлэх зорилгоор 12 төрлийн арга хэмжээ
авахыг тусгажээ.
Тухайлбал, яамны албан хаагчдын мэргэшсэн, ажлын өндөр ур
чадвартай, ёс зүй, харилцааны соёлтой, эрх зүйн мэдлэгтэй, салбартаа манлайлагч
байдлыг дэмжсэн сургалтыг үе шаттай зохион байгуулах, албан хаагч бүр эрхэлсэн ажилдаа
мэргэших, хариуцлагатай хандах, хууль дээдлэх, шударга, шуурхай, идэвхтэй, ил
тод, хамтран ажиллах, салбарын байгууллагыг удирдлагаар хангадаг байх зарчмыг
мөрдүүлэх, сахилга
хариуцлагыг сайжруулах чиглэлээр Засгийн газраас баталсан албан даалгавар,
тогтоол, чиглэлийг хэрэгжүүлэх талаар яамны гүйцэтгэлийн төлөвлөгөө, албан
хаагчдын ажлын байрны тодорхойлолтод тусгайлан заалт оруулж, биелэлтийг
чанаржуулах арга хэмжээ авах тухай тусгасан байна.
Тушаалыг хэрэгжүүлэхийг БСШУС-ын
Төрийн нарийн бичгийн дарга Б.Баярсайханд, биелэлтэд хяналт тавьж ажиллахыг дэд
сайд Г.Ганбаярт үүрэг болгов.
