Жеймс Хардений 30+ онооны цуврал төгсгөл боллоо

Дэлхийд | Спорт
yesukheitumur@montsame.gov.mn
2019-02-27 10:36:41
Yesukheitumur Tumurbaatar

ВАШИНГТОН. /Anadolu/. АНУ-ын Үндэсний сагсан бөмбөгийн холбооны "Хьюстон Рокетс" баг талбай дээрээ "Атланта Хаукс" багийг хүлээн авч, 119:111 харьцаагаар буулган авчээ. 


Энэ тоглолтод "Хьюстон Рокетс" багийн бүх од, хамгаалан тоглогч Жеймс Харден 28 оноо авснаар түүний 30+ онооны цуврал төгсгөл болсон юм. Тэрбээр өнгөрсөн сарын 23-нд "Нью-Йорк Никс"-ийн эсрэг хийсэн тоглолтод 61 оноо цуглуулсан нь түүний карьертаа авсан хамгийн өндөр оноо болсон юм. Энэ улиралд тэрбээр 32 тоглолтод дараалан 30-аас дээш оноо авсан гайхалтай амжилтыг үзүүлсэн юм. Энэхүү 32 тоглолтод тэрбээр 41.1 оноог дундчилсан байна.


Харин "Атланта Хаукс" багийн эсрэг хийсэн тоглолтод "Хьюстон Рокетс"-ийн холбон тоглогч Крис Пол, хамгаалагч Эрик Гордон нар чамлахгүй амжилттай тогложээ. Уг тоглолтод Крис Пол 20 оноо авч, 8 оновчтой дамжуулалт өгсөн бол Эрик Гордон 16 оноо авчээ.

Холбоотой мэдээ