Жюү жицүгийн ДАШТ Мастерсын тэмцээнээр үргэлжилж байна.

Монголын мэдээ | Спорт
ulzii@montsame.mn
2019-04-23 13:22:53

Улаанбаатар /МОНЦАМЭ/. Жюү жицүгийн өсвөрийн ДАШТ-ий 45 кг-д Б.Шинэтулга алтан медаль хүртэж дэлхийн аварга болов.


Тэрбээр өнгөрсөн жилийн ДАШТ-ээс мөнгөн медаль хүртэж байсан юм. ДАШТ-ээс Монголын өсвөрийн баг тамирчид 11 медаль хүртсэн байна. Жюү жицүгийн өсвөрийн дэлхийн аварга шалгаруулах тэмцээн 2 өдөр үргэлжилж өндөрлөлөө.


Жюү жицүгийн өсвөрийн ДАШТ-ий 2 дахь өдөр буюу энэ сарын 22-нд хөвгүүд болон залуучуудын ангиллын өрсөлдөөн боллоо. Энэ 2 ангилалд нийт 980 гаруй тамирчид оролцсон юм. Манай улсаас нийт 21 тамирчин хүч үзэж 6 медаль хүртлээ. Б.Шинэтулга алтан медаль хүртсэнээс гадна С.Шинэхүү, Ө.Бат-Оргил нар мөнгөн медаль, С.Одбаяр, Ц.Хосбаяр, Г.Гарамхүү нар хүрэл медалийн эзэд болжээ.


Жюү жицүгийн ДАШТ өнөөдөр /2019.04.23/ Мастерсын тэмцээнээр үргэлжлэх бөгөөд манай улсаас 9 тамирчин хүчээ сорих юм.

Холбоотой мэдээ