"Бяцхан мисс"-ийн шагналтнууд хүүхдийн баяраар авьяасаа үзүүлнэ
МОНГОЛЫН МЭДЭЭ | СОЁЛ УРЛАГУлаанбаатар /МОНЦАМЭ/. "Бяцхан мисс” Олон улсын хүүхдийн байгууллагаас жил бүр уламжлал болгон зохион байгуулдаг тайз, дэлгэцийн урлагийн ирээдүйн оддыг төрүүлэх зорилготой хүүхдийн соёл урлагийн их наадам “Бяцхан Мисс-2019” Улсын уралдаант тэмцээн 17 дахь удаагаа Монголын Хүүхдийн Ордны Их танхимд болсон.
Энэ сарын 24-нд болсон тус наадамд түрүүлсэн болон шалгарсан хүүхдүүд маргааш болох Хүүхдийн баярын ёслолд оролцоно. 17 дахь удаагийн “Бяцхан Мисс-2019” улсын уралдаанд оролцсон 4-6 насны авьяаслаг бяцхан 37 охиноос “Тэргүүн мисс” цом, “Мөнгөн титэм”-ийн эзэн болсон "Талст-21" цэцэрлэгийн Амарсанаагийн Төгсгоо, “Дэд мисс” цомын эзэн, 37 дугаар цэцэрлэгийн Очирхуягийн Үжин, тэргүүтэй 16 номинацын шагналтнууд хүүхдийн баяраа чимэх юм байна.