БНАСАУ хамгийн хаалттай орнуудын хоёрдугаарт жагсжээ

Дэлхийд | Нийгэм
khulan@montsame.gov.mn
2019-09-11 15:08:08

СӨҮЛ. /Yonhap/. БНАСАУ дэлхийн хамгийн хаалттай орнуудын жагсаалтын хоёрдугаарт бичигдэж байгаа талаар олон улсын хэвлэлийн эрх чөлөөний байгууллагын сүүлийн тайланд мэдээлжээ.


“БНАСАУ-ын сонинууд, тогтмол хэвлэлүүд болон радио нэвтрүүлгүүдийн бараг бүх мэдээлэл төв цахилгаан мэдээний агентлагаас хамааралтай байдаг бөгөөд уг агентлаг нь улс төрийн мэдэгдлүүд, үйл ажиллагаанд голчлон анхаардаг” гэж Сэтгүүлчдийг хамгаалах хорооны /CPJ/ тайланд тэмдэглэсэн байна.


Жагсаалтын нэгдүгээрт Африкийн Эритрей улс бичигдсэн бол Туркменистан, Саудын Араб, Хятад, Вьетнам, Иран, Экваторын Гвиней, Беларусь, Куба зэрэг улс уг жагсаалтад багтжээ.


"Хувийн хэвшлийн болон хараат бус хэвлэл мэдээллийн хэрэгсэл байхгүй байх, цахим хуудсуудад нэвтрэх боломжийг хаах, гадаадын нэвтрүүлгүүдийг хориглох, сэтгүүлчдийг хянах зэрэг олон шалгуур үзүүлэлтэд үндэслэн уг жагсаалтыг гаргасан" гэж Сэтгүүлчдийг хамгаалах хорооны тайланд дурджээ. 

Холбоотой мэдээ