Өндөр хурдны шилэн кабелийг нэвтрүүллээ

munkhzul@montsame.mn

2019-09-27 10:05:15

Баянхонгор /МОНЦАМЭ/. Ашиглалт үйлчилгээ, суурилуулалтын зардлыг хэмнэсэн, уламжлалт технологийг халсан, их багтаамжийн, олон улсын чанарын стандартыг хангасан олон давуу талт өндөр хурдны шилэн кабелийг Баянхонгор аймагт нэвтрүүллээ.

Төслийг Японы засгийн газрын ТDDI сан 220 мянгам ам.долларын буцалтгүй тусламжаар санхүүжүүлэн, хэрэгжүүлж байгаа аж.

Тус төслийг Монгол улсад анх удаа Баянхонгор аймагт нэвтрүүлж байгаа бөгөөд Архангай аймаг, Налайх дүүрэгт үргэлжлэн хэрэгжих юм байна. Кабель суурилуулах ажлыг амжилттай хийж гүйцэтгэхэд Монголын цахилгаан холбоо компанийн Баянхонгор аймаг дахь салбарын хамт олны хичээл зүтгэл их байсныг орон нутгийн удирдлагууд онцолж байв.

Мөн энэ үеэр Монголын цахилгаан холбоо компанийн 2019 оны хөрөнгө оруулалтаар хийсэн олон сувагт тоон системийг танилцуулсан юм. Цаашид Баянхонгор аймгийн хэрэглэгчид өндөр хурдны интернэт, гадаад, дотоодын олон контентыг багтаасан олон суваг үзэх, ашиглах боломж бүрдээд байна.

2020 онд Монголын анхдагч харилцаа холбооны компани Монголын цахилгаан холбооны компанийн түүхт 98 жилийн ой тохиож байгаа аж. Энэ хүрээнд хэрэглэгч үйлчлүүлэгчиддээ олон шинэлэг үйлчилгээг хүргэхээр төлөвлөжээ.

Өндөр хурдны шилэн кабелийг нэвтрүүллээ

Холбоотой мэдээ

БАЯНХОНГОР: Аймгийн хэмжээнд 4 сая шахам мал өвөлжиж, хаваржина

БАЯНХОНГОР: Аймгийн ИТХ-ын болон Засаг даргыг сонгох асуудлыг хэлэлцэв

БАЯНХОНГОР: Тусгай төрлийн цуглуулга баримтаар сан хөмрөгөө баяжуулж байна

БАЯНХОНГОР: Хүйтний эрч чангарна

БАЯНХОНГОР: Үндсэн хуулийн хөшөө 17 жилийн түүхтэй

БАЯНХОНГОР: Ардын багш С.Дуламд Хөдөлмөрийн баатар цол хүртээлээ

БАЯНХОНГОР: Сэтгэл зүйн зөвлөгөө, заслын шинэлэг арга зүйг эзэмшиж байна

БАЯНХОНГОР: Яруу найрагч У.Энхбаяр “Хүрэн морь” цом гардлаа

БАЯНХОНГОР: Өрхийн эмнэлгүүд 21:00 цаг хүртэл ажиллана

бидэнтэй нэгдэх

Хандалт