Ким Жөн Ун БНСУ-д айлчилбал эерэг үр дүн гарна гэж үзэж байна

Дэлхийд | Улс төр
yesukheitumur@montsame.gov.mn
2019-09-27 10:51:28
Yesukheitumur Tumurbaatar

СӨҮЛ. /Yonhap/. БНАСАУ-ын удирдагч Ким Жөн Уныг БНСУ-д айлчилж, хоёр Солонгосын харилцаа болон Солонгосын хойгийг цөмийн зэвсгээс ангижруулах яриа хэлэлцээнд эерэг нөлөө үзүүлнэ гэдэгт БНСУ-ын иргэдийн 70 орчим хувь нь итгэж байна гэж пүрэв гарагт гаргасан судалгаанд дурджээ.


Пусан хотод 11 дүгээр сард болох Зүүн Өмнөд Азийн орнуудын холбоо буюу АСЕАН-ы дээд хэмжээний уулзалтад БНАСАУ-ын удирдагч Ким Жөн Ун оролцох боломжтой гэсэн асуудлыг БНСУ-ын тагнуулын байгууллага дэвшүүлээд байна.


Судалгаанд 1000 орчим хүн оролцсон бөгөөд тэдний 67.7 хувь нь Ким Жөн Уны айлчлал хоёр Солонгосын харилцаа болон цөмийн зэвсгээс ангижруулах яриа хэлэлцээнд эерэг нөлөө үзүүлнэ гэж үзсэн бол 22.8 хувь нь асар их нөлөө үзүүлнэ гэж үзжээ.


Харин мэргэжилтнүүдийн үзэж байгаагаар, хоёр Солонгосын харилцаа царцуу байгаа болон айлчлалд бэлтгэх хугацаа бага зэргээс шалтгаалан БНСУ-д болох АСЕАН-ы дээд хэмжээний уулзалтад Ким Жөн Ун оролцох магадлал маш бага байгаа аж.

Холбоотой мэдээ