Улаанбаатар
Хөшөөтийн уурхайн 5000 тонн нүүрсийг иргэдэд хөнгөлөлттэй үнээр олгоно
ОРОН НУТГИЙН МЭДЭЭ | ХОВД
Ховд /МОНЦАМЭ/. Ховд аймгийн Жаргалант сумын гэр хорооллын бүсэд амьдарч буй айл өрхөд Хөшөөтийн уурхайн нүүрсийг 50 хувийн хөнгөлөлттэй үнээр олгох ажил гурав дахь жилдээ өрнөж байна.
Жаргалант
сумын 12 багийн гэр хорооллын бүсэд 5000 гаруй айл өрх амьдарч байна. Одоогийн байдлаар
Хөшөөтийн уурхайн нүүрс нэг тонн нь 140 мянган төгрөгөөр борлуулж байгаа аж.
Тэгвэл
энэ онд Ховд аймаг болон "Мо-Эн-Ко" ХХК-ийн Хөшөөтийн уурхай хамтран ажиллах
гэрээний дагуу Жаргалант сумын гэр хорооллын бүсэд оршин суугаа нийт айл өрхөд 5000 тонн нүүрсийг зах
зээлийн үнээс хямд буюу 70 мянган төгрөгөөр нийлүүлж эхэллээ.
Ингэснээр Жаргалант сумын 12 багийн нэг өрх нэг тонн нүүрсийг хөнгөлөлттэй үнээр авах боломж бүрджээ.
Одоогийн
байдлаар Жаргалант сумын Цамбагарав, Буянт багийн иргэд бүртгэл хийлгэж, хөнгөлөлттэй үнээр нүүрсээ авч байна.
Цаашид
бусад багийн нийт
айл өрхийг хамруулах бөгөөд иргэд өөрийн харьяаллын дагуу багийн Засаг дарга, нийгмийн ажилтантай уулзаж бүртгүүлэх, хөнгөлөлттэй үнээр нүүрс авах
боломжтой гэж албаны эх сурвалж мэдээллээ.
