Улаанбаатар
Нефтийн импортын хилийн үнэ 829 ам.доллараар буурчээ
МОНГОЛЫН МЭДЭЭ
Гадаад худалдааны нийт бараа эргэлтийн хэмжээ өнгөрсөн оны мөн үеэс 12.4 хувиар буюу 221.5 сая ам.доллараар буурч 1558.0 сая ам.долларт хүрлээ хэмээн Монголбанкнаас мэдэгдлээ.
Тодруулбал экспорт 11.0 хувиар буюу 118.8 сая ам.доллараар, импорт 14.6 хувиар буюу 102.7 сая ам.доллараар буурчээ. Түүнчлэн экспортын дүн импортын дүнгээс 359.9 сая ам.доллараар давж гадаад худалдааны тэнцэл ашигтай гарсан байна. Энэ нь өнгөрсөн оны мөн үеэс 16.1 сая ам.доллараар буурсан үзүүлэлт гэдгийг Монголбанкныхан тайлбарлаж байна. Тухайлбал нефтийн бүтээгдэхүүний импортын тоо хэмжээ болон үнэ зэрэг буурснаар уг бүлгийн импорт 44.хувиар буюу 69.3 сая ам.доллараар буурчээ. Нефтийн бүтээгдэхүүний импортын хилийн үнэ 2013 оноос эхлэн тогтмол буурч буй бөгөөд 2012 оны 12 сард тонн тутамд 1,270.5 ам.доллар байсан бол 2016 оны 3 сарын байдлаар тонн тутамд 441.5 ам.долларт хүрээд байна.
Б.Заяа
