Улаанбаатар
Гэр хорооллын иргэд инженерийн шугам сүлжээнд эхнээсээ холбогдож байна
ОРОН НУТГИЙН МЭДЭЭ | УВС
Увс /МОНЦАМЭ/. 2019 онд Улаангом сумын 11-р багт 1660 метр урттай дулаан, цэвэр усны 5 хос шугам, 880 метр бохирын шугам татаж, түүнийг тэжээх 22 худаг шинээр гаргасан байна. Энэ ажлыг улсын комисс хүлээн авсан бөгөөд хэрэглэгчээ холбоход бэлэн болгожээ.
Ингэснээр Улаангом сумын 11-р багийн
нутаг дэвсгэрт агаарын болон хөрсний бохирдлыг шийдэж иргэдийн аюулгүй, цэвэр
орчинд амьдрах нөхцөл бүрдээд байна. Ямартай ч шинэ оны босгон дээр тус багийн
гурван хэрэглэгч анхлан холбогдоод байна.
2020 онд
үргэлжлүүлэн 1500 метр урттай дулаан, цэвэр усны 5 хос шугам, 1000 метр бохирын
шугам татахаар төлөвлөсөн байна. Ингэснээр Улаангом сумын 11-р баг энэ онд гэхэд яндангүй, нүхэн жорлонгүй, орчин үеийн гэр хороолол болж хөгжлийн
дараагийн шат буюу дахин төлөвлөлтдөө шилжих аж.
Улаангом сумын гэр хорооллыг дэд бүтэцжүүлэх ажилд УИХ-ын
гишүүн, Сангийн сайд Ч.Хүрэлбаатараар ахлуулсан Увс аймгаас сонгогдсон УИХ-ын
гишүүд санаачилгатай ажиллаж байгаа бөгөөд өнгөрсөн онд 9 тэрбум төгрөг
зарцуулсан бол энэ онд дахин 9 сая төгрөг улсын төсөвт суулгаад байна.
Ингэснээр Улаангом сумын 4, 5, 6, 11-р багууд дэд бүтцэд холбогдоно. 
