Д.Трамп, Э.Макрон нар терроризмтай тэмцэх асуудлыг хэлэлцжээ

Дэлхийд | Улс төр
ayanzaya@montsame.gov.mn
2020-02-20 08:13:43

ВАШИНГТОН. /TASS/. АНУ-ын Ерөнхийлөгч Дональд Трамп, Францын Ерөнхийлөгч Эмманюэль Макрон нар өнгөрсөн мягмар гарагт утсаар ярих үеэрээ Умард Атлантын гэрээний байгууллага буюу НАТО, Буркина Фасо, Мавритани, Мали, Нигер, Чад зэрэг улс байрладаг Африкийн халуун орны бүс нутаг Сахелийн бүс дэх терроризмтой тэмцэх асуудлыг хэлэлцжээ. Энэ тухай Цагаан ордны хэвлэлийн албаны орлогч дарга Жадд Дир мэдэгджээ.


"Хоёр улсын төрийн тэргүүн НАТО-гийн ач холбогдол, Сахел дахь терроризмтой тэмцэхэд АНУ, Франц хүчин чармайлт тавих асуудал хийгээд талуудын бусад асуудлыг хэлэлцсэн” хэмээн тэрбээр мэдэгдсэн байна. 

Холбоотой мэдээ