Хятадад коронавирусээр халдварласны улмаас нас барсан хүний тоо 2592 болжээ

ДЭЛХИЙН МЭДЭЭ | НИЙГЭМ
ayanzaya@montsame.gov.mn
2020-02-24 11:56:09

БЭЭЖИН. /РИА Новости/. Эх газрын Хятадад коронавирусээр халдварласан тохиолдлын тоо 77150 давсан бол халдварын улмаас 2592 хүн нас барсан байна. Үүнээс гадна халдвар авсан 24734 хүн эдгэрч, эмнэлгээс гарсан тухай Хятадын Эрүүл мэндийн асуудал хариуцсан улсын хороо мэдэгдсэн байна.


Сүүлийн өдрүүдэд коронавирусээр шинээр халдварласан 409 тохиолдол илэрсэн бол 1846 хүн эдгэрч эмнэлгээс гарсан байна. Үүнээс гадна коронавирусний сэжиг бүхий өөр 620 тохиолдол илэрчээ.


Одоогоор Хятад улсад коронавирусний сэжиг бүхий 3434 тохиолдол бүртгэгдээд байгаа бол тэдэнтэй хавьтсан 97000 гаруй хүн эмнэлгийн хяналтанд байна. 

Холбоотой мэдээ