Тонхил суманд дахин газар хөдөлжээ
ОРОН НУТГИЙН МЭДЭЭ | ГОВЬ-АЛТАЙГовь-Алтай /МОНЦАМЭ/. Говь-Алтай аймгийн Тонхил суманд 3,9 магнитудын хүчтэй газар хөдлөлт боллоо хэмээн Одон орон геофизикийн хүрээлэнгийн Алтай салбараас мэдээлэв.
Тодруулбал, дөрөвдүгээр сарын хоёрны өдөр 11:23:14 цагт тус аймгийн Тонхил сумаас урд зүгт 29 км-ийн зайд 3,9 магнитудын хүчтэй газар хөдлөлт болжээ. Энэ удаагийн газар хөдлөлт нь гуравдугаар сарын 20-нд болсон 5,8 магнитудын хүчтэй хөдлөлтийн давтан хөдлөлт болохыг холбогдох албанаас танилцуулсан юм.
2020 оны эхний гурван сард Говь-Алтай аймгийн Эрдэнэ, Жаргалан, Бигэр, Тонхил суманд нийт газар хөдлөлтийн 12 тохиолдол бүртгэгджээ.