АНУ-д халдвараар нас барсан хүний тоо Дэлхийн I дайнд амь үрэгдсэн цэргүүдийн тоог давжээ

Дэлхийд | Эрүүл мэнд
Jargal.d@montsame.mn
2020-06-17 10:28:51

ВАШИНГТОН. /AP/. Мягмар гаргийн байдлаар АНУ-д шинэ коронавирусээр халдварласны улмаас нас барсан хүний тоо Дэлхийн I дайны үеэр амь үрэгдсэн америк цэргүүдийн тоог давсныг Жонс Хопкинсийн нэрэмжит их сургуулийн мэдээлэл харуулжээ.


АНУ-д 2.1 сая гаруй хүн коронавирусний халдвар авч, 116 526 хүн нас баржээ. Албан ёсны мэдээллээр Дэлхийн I дайнд Америкийн 116 516 цэрэг амь үрэгдсэн байна.


2019 оны сүүлчээр Төв Хятадад бүртгэгдсэн шинэ төрлийн коронавирусний халдвар дэлхийн ихэнх улс оронд тархаад байгаа билээ. Коронавирусний халдвар цар тахлын хэмжээнд хүрснийг ДЭМБ гуравдугаар сарын 11-нд зарласан. Цар тахал дэгдсэнээс хойш дэлхий даяар 8 сая орчим хүн уг вирусээр халдварлаж, 430 мянга гаруй хүн нас баржээ.


Холбоотой мэдээ