Зургаан аймгийн иргэд өнөөдөр нутаг буцаж байна
МОНГОЛЫН МЭДЭЭ | ЭРҮҮЛ МЭНДУлаанбаатар /МОНЦАМЭ/. УОК-ын шийдвэрийн дагуу "COVID-19"-ийн халдвар бүртгэгдсэн 6 аймгийн иргэд өнөөдрөөс нийслэл хотоос нутаг буцаж байна.
Сэлэнгэ, Орхон, Дархан-Уул, Архангай, Говь-Сүмбэр, Дорноговь болон Өмнөговь аймаг руу нутаг буцах хүсэлтээ 12 мянга гаруй иргэд гаргажээ. Эдгээр иргэдийг энэ сарын 5-наас эхлэн бүртгэж "COVID-19"-ийн шинжилгээнд хамруулаад байгаа юм.
Дархан-Уул аймаг руу 5 мянга орчим иргэн буцаж байна.
Тус аймгаас нийслэл хот руу болон бусад аймаг, сум руу дамжин явах 1800 орчим иргэн байгаа аж. Тиймээс, Дархан-Уул аймгийн Онцгой комиссоос зөвхөн өөрийн харъяат, Дарханд оршин суух хаяг, бүртгэлтэй иргэдээ авахаа мэдэгдэж байна. Говь-Сүмбэр аймаг буцах 700 орчим иргэн байна.