Анхан шатны шүүгчийн сургалт сар бүр явагдана
МОНГОЛЫН МЭДЭЭ | СПОРТУлаанбаатар /МОНЦАМЭ/. Монголын хөл бөмбөгийн холбоо /МХБХ/-ны Шүүгчийн хэлтсээс зохион байгуулж буй шинэ оны хоёр дахь сургалт болох анхан шатны шүүгчийн сургалт цахим хэлбэрээр амжилттай явагдаж байна.
Энэ удаагийн сургалтад 23 оролцогч хамрагдаж байгаа бөгөөд МХБХ-ны шүүгчийн хэлтсээс сургалтад бүртгүүлж амжаагүй бол санаа зоволтгүй гэж онцлов. Учир нь энэ онд сар бүр анхан шатны шүүгчийн сургалтыг зохион байгуулах юм. Дараагийн анхан шатны шүүгчийн сургалт 2 дугаар сарын 22-нд эхэлнэ.
Ташрамд дуулгахад, МХБХ-ны
Шүүгчийн хэлтсээс энэ онд Эмэгтэй шүүгчдийн сургалт, Гишүүн холбоодын шүүгчийн
сургалтуудыг анх удаа цахим хэлбэрээр зохион байгуулна. Зөвхөн эмэгтэйчүүд
хамрагдах Эмэгтэй шүүгчдийн анхан шатны сургалт нэгдүгээр сарын 25-31-нд болох
юм байна.