АНУ-д “COVID-19”-ийн 53 сая орчим тун вакциныг тарьжээ
ДЭЛХИЙН МЭДЭЭ | ЭРҮҮЛ МЭНДВАШИНГТОН. /CNN/.
АНУ-д “COVID-19”-ийн 53 сая орчим тун вакциныг тарьсан гэж тус
улсын Өвчинд хяналт тавих, урьдчилан сэргийлэх төв /CDC/ мэдээллээ.
“CDC”-ийн мэдээлснээр, АНУ даяар ням гаргийн байдлаар 70 057 800
тун вакциныг түгээснээс 72 орчим хувийг нь буюу 52 884 356 тунг тарьсан байна.
Тодруулбал, АНУ-д
бямба гарагт хоёр сая орчим тун вакциныг тарьсан бөгөөд өнгөрсөн долоо хоногт
өдөрт дунджаар 1.6 сая орчим тун вакциныг хийжээ.
Ингэснээр АНУ-д 38 сая гаруй хүн “COVID-19”-ийн вакцины ядаж нэг тунг хийлгэсэн бол 14 сая орчим хүнийг бүрэн вакцинжуулсан байна.
Жонс Хопкинсийн
нэрэмжит их сургуулийн мэдээллээр, АНУ-д 27 сая гаруй хүн коронавирусээр
халдварлаж, 485 мянга гаруй хүн нас баржээ.