Улаанбаатар
Коронавирусний халдварын батлагдсан тохиолдол нийт 196 боллоо
ОРОН НУТГИЙН МЭДЭЭ | ХОВД
Ховд /МОНЦАМЭ/. Ховд аймагт сүүлийн 24 цагийн хугацаанд коронавирусний
халдвар авсан хүний тоо 4-өөр нэмэгдэж,
дөрөвдүгээр сарын 22-ны өдрийн байдлаар батлагдсан тохиолдол нийт 196 боллоо.
Тодруулбал, “Тусгаарлах
эмнэлэг”-т хэвтэн эмчлүүлж буй Зэрэг сумын иргэний ойрын хавьтал буюу
тусгаарлан ажиглах байр “Бооржи”
зочид буудалд байсан хоёр иргэнээс давтан шинжилгээгээр, Улаанбаатар хотоос Ховд аймагт ирсэн тээврийн нэг
жолооч, нэг иргэнээс тус тус халдвар илэрчээ. Шинээр халдварын ямар нэгэн
голомт гараагүй байна.
Өнөөдрийн байдлаар 76
иргэн “Тусгаарлах эмнэлэг”-т хэвтэн эмчлүүлж байна. Тэдгээрээс нэг иргэний биеийн байдал маш хүнд,
хоёр иргэнийх хүнд гэх оноштой байна. Мөн таван иргэний биеийн байдал
хүндэвтэр, бусад нь хөнгөн байгаа аж.
Одоогоор коронавирусний халдвар авч “Тусгаарлах
эмнэлэг”-т хэвтсэн 118 иргэн эдгэрч,
гэртээ гараад байна.
Тус аймгийн
хэмжээнд ойрын хавьтлын 884 иргэн, тусгаарлан ажиглах байранд 171 иргэн байна. Мөн
гэрийн тусгаарлалтад 591 иргэн, гэрийн ажиглалтад 125 иргэн буй.
