МҮХАҮТ Японы ЖАЙКА байгууллагатай хамтран ажиллана

oyundelger@montsame.gov.mn

2021-05-13 16:30:03

Улаанбаатар /МОНЦАМЭ/. Зөгийн балны кластер байгуулах, орон нутагт хөдөө аж ахуйн салбарын бүтээгдэхүүнийг дэмжих туршилтын төсөл хэрэгжүүлэх чиглэлээр МҮХАҮТ, ЖАЙКА байгууллага хамтран ажиллах харилцан ойлголцлын санамж бичиг байгууллаа.

Энэ хүрээнд Японы олон улсын хамтын ажиллагааны байгууллага ЖАЙКА, ХХААХҮЯ, ҮХГ хамтран хөдөө аж ахуйн салбарын тогтвортой хөгжлийг дэмжих MONMAP – “Монгол Улсын Хөдөө аж ахуйн салбарын нэмүү өртгийн сүлжээний мастер төлөвлөгөө боловсруулах төсөл” хэрэгжүүлж байгаа.

Тухайлбал, зөгийн балны үйлдвэрлэлд зохистой дадлыг хялбаршуулан нэвтрүүлэх зааврыг боловсруулах, кластер байгуулах чиг үүрэг бүхий ажлын хэсгийг байгуулжээ. Үүнд ХХААХҮЯ-ны Хүнсний үйлдвэрийн бодлогын хэрэгжилтийг зохицуулах газар, МҮХАҮТ-ын Төсөл, хөтөлбөрийн газар, Сэлэнгэ аймаг дахь салбар танхим, СХЗГ, МХЕГ, Монголын зөгийчдийн нийгэмлэг, Төв аймгийн Батсүмбэр сумын зөгийн баг, судлаач, хувийн хэвшлийн төлөөллийг оролцуулаад байна. Ажлын хэсэг үйл ажиллагаагаа эхлүүлсэн бөгөөд 2022 оны 3 дугаар сард зөгийн балны кластерыг албан ёсоор байгуулах аж.

Мөн орон нутагт ХАА-н салбарын бүтээгдэхүүнийг дэмжих туршилтын төслийг МҮХАҮТ-ын 21 салбар танхимаар дамжуулан хэрэгжүүлнэ. Төслөөс туршилтын нэг үйл ажиллагаанд 20 000 ам.доллар хүртэлх санхүүжилтийг олгох аж. Туршилтын төслийн танилцуулгыг энэ сарын 21-нд цахимаар зохион байгуулан, төслийн саналыг 6 дугаар сарын 31-ний дотор хүлээн авна. Ирүүлсэн төслүүдэд МҮХАҮТ-ын Төсөл хөтөлбөрийн газар, ЖАЙКА байгууллагын төслийн экспертүүд зөвлөн чиглүүлж ажиллах юм.

МҮХАҮТ Японы ЖАЙКА байгууллагатай хамтран ажиллана

Холбоотой мэдээ

Цаг уурын алба үүссэний 100 жилийн ой тохиож байна

Ч.Цэрэндагва: Хүүгээ генерал болоход өөрөө генерал болсноос илүү их баярласан

Ботаникийн эцсээс Улиастайн гүүр хүртэлх авто замыг хааж хэсэгчлэн засна

Хамтарсан судалгаагаар олон хэлний бичээс бүхий гэрэлт хөшөөний хугархайг илрүүлжээ

Нийгмийг сайжруулж, хариуцлагатай байхад Улаанбаатарын яриа хэлэлцээ гол платформ болно

Хөвсгөл аймгийн органик бүтээгдэхүүний жагсаалт 10-аар нэмэгджээ

Малчдад зургаан хувийн хүүтэй, 50 хүртэлх сая төгрөгийн зээл олгоно

Баг, хороодын дарга нарын ур чадварыг дээшлүүлснээр, удирдлагын тогтвортой тогтолцоо бүрдэнэ

Дэлхийн оюуны өмчийн өдөр тохиож байна

бидэнтэй нэгдэх

Хандалт