Соёлыг эдийн засгийн бүтээлч салбар болгохыг уриаллаа

Монголын мэдээ | Соёл урлаг
192@montsame.mn
2021-05-18 09:20:21

Улаанбаатар /МОНЦАМЭ/. Монгол Улсын Ерөнхий сайд Л.Оюун-Эрдэнэ яг одоо соёлын бүтээлч үйлдвэрлэлийн салбарын төлөөлөгч нартай уулзаж байна. Тэрээр, "Соёл бол бүх зүйл, инновац, боловсрол, шинжлэх ухаан юм. Сүүлийн жилүүдэд маркетинг дээр суурилсан соёл нэлээн давамгайлах болсон. Одоо бид түгээн дэлгэрүүлэх тал дээрээ анхаарах хэрэгтэй байна. Төр, хувийн хэвшил, уран бүтээлчид хамтарсан нэг стратегитэй байх ёстой" гэдгийг онцлоод, "Уул уурхайн салбартай дүйцэхүйц хэмжээний орлого оруулдаг, эдийн засгийн нөлөө бүхий салбарыг бий болгохын төлөө хамтран ажиллая" хэмээн уриаллаа. Мөн дэлхийд гаргаж болох соёлын бүх контентыг Засгийн газраас дэмжихээ илэрхийлэв. Соёлын салбарыг орлого олдог салбар байгаасай хэмээн Сангийн сайдыг уулзалтад урьснаа тодотгож байв. 

Өнөөдөр Монгол Улсын соёлын бүтээлч салбарт 3360 орчим ААН ажиллаж байгаа нь нийт ААН-ийн 3,4 хувийг бүрдүүлж буйг Соёлын сайд Ч.Номин танилцуулав. 


Холбоотой мэдээ