Төгсөх ангийн сурагчдыг ЭЕШ-д цахимаар бэлтгэх сургалт үргэлжилнэ
ОРОН НУТГИЙН МЭДЭЭ | СЭЛЭНГЭСэлэнгэ/МОНЦАМЭ/. Сэлэнгэ аймгийн Ерөнхий боловсролын 35 сургуулийн төгсөх ангийн сурагчдыг цахимаар ЭЕШ-д бэлтгэх сургалтыг өнгөрсөн 2 дугаар сарын 8-ны өдрөөс эхэлсэн. Уг сургалтыг Elab Education Academy-тай хамтран математик, хими, физик, түүх, нийгмийн ухаан, англи хэл, монгол хэлний олимпиадын аварга, Монгол Улсын зөвлөх багш нараар ахлуулан зохион байгуулж байгаа. Уг сургалт энэ сарын 28-ны өдөр дуусах байсан боловч ЭЕШ-ын хугацаа хойшилсон тул 8-р сар хүртэл үргэлжлэн орохоор болжээ.
Сургалт эхэлсэн өдрөөс өнөөдрийг
хүртэлх хугацаанд нийт 370 цагийн хичээл орсон байна. Өнөөдрийн
байдлаар Сэлэнгэ аймгийн хэмжээнд ЕБС-ийн төгсөх ангийн 1167 сурагчаас 40 хувь буюу 671 сурагч сонгон суралцсан хичээлийнхээ хоёр дахь сорилтыг өгсөн байна. Эл сургалтад
идэвхтэй хамрагдаж хамгийн өндөр ЭЕШ-ын оноо авсан 6 сурагчид тус бүр нэг сая төгрөгийн тэтгэлэг. Мөн
хамгийн өндөр ЭЕШ-ын дундаж оноо авсан ангийн зургаан
багшид зөөврийн компьютер өгч урамшуулах юм
байна. Энэхүү цахим сургалтын төлбөрийг Чинбатын Ундрам-Хөгжлийн сан
гаргаж байгаа ажээ.