Алтай хотын захирагч Д.Чинзориг ХБНГУ-ын ЭСЯ-тай хамтран ажиллах гэрээнд гарын үсэг зурлаа
ОРОН НУТГИЙН МЭДЭЭ | ГОВЬ-АЛТАЙГовь-Алтай /МОНЦАМЭ/. Есөнбулаг сумын Засаг дарга бөгөөд Алтай хотын захирагч Д.Чинзориг ХБНГУ-ын ЭСЯ-ны байнгын төлөөлөгч Регина Рутенбергтэй "Эрүүл шийдэл-Эко 00" төслийн гэрээнд гарын үсэг зурлаа.
Тодруулбал, ХБНГУ-ын ЭСЯ-ны урилгаар Есөнбулаг сумын Засаг дарга бөгөөд Алтай хотын Захирагч Д.Чинзориг долоодугаар сарын 21-ний өдөр Улаанбаатар хотноо ЭСЯ-ны Байнгын төлөөлөгч Регина Рутенбергтэй Нийгмийн эмзэг бүлгийн хүн амын амьдрах нөхцөл, амьжиргааг сайжруулахад чиглэсэн "Эрүүл шийдэл-Эко 00" төслийн гэрээнд гарын үсэг зурж, хамтран ажиллахаар болов. "Эрүүл шийдэл-Эко 00" төслийн хүрээнд ХБНГУ-ын ЭСЯ-ны 50 сая төгрөгийн хөрөнгө оруулалтаар амьжиргааны баталгаажих түвшнээс доогуур орлоготой 68 өрхийг эко 00-той болгох ажээ.