Улаанбаатар
Футзаалны сонирхогчдын цомын аварга шалгаруулах тэмцээнд Номадик Хантерс клуб түрүүлэв
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын хөл бөмбөгийн холбоо /МХБХ/-ны “Футзаалны сонирхогчдын цом”-ын аварга шалгаруулах тэмцээн 1 дүгээр сарын 17-23-нд боллоо.
Тус тэмцээний хүрэл
медалийн төлөө “Капитрон” болон “Шонхор” клубүүдийн хооронд явагдаж 10:0-ээр “Капитрон”
илт давуу тоглож хүрэл медалийн эзэд болсон юм.
Аваргын төлөө Баян-Өлгий
аймгийн “Номадик Хантерс” болон Хан-Уул дүүргийн “Хан-Уул” клубүүдийн хооронд
тун өрсөлдөөнтэй тоглолт болж Хантерсчуудаа Б.Ертис 1’, 23’, 28’, 29’-д М.Ертис
17’-д гоол оруулж “Хан-Уул” клубээс Б.Амарсанаа 8’, Т.Мөнхбаатар 7’ нар гоол оруулснаар 5:2-оор “Номадик Хантерс” клуб энэ удаагийн “Футзаалны сонирхогчдын
цом”-ын тэмцээнд түрүүлж аваргын алтан медаль хүртэж, цомын эзэд боллоо.
Тэмцээний хаалтын ажиллагаанд шагнал гардуулахаар МХБХ-ны Зөвлөл гишүүн ТЗБХ-ны дэд дарга
Б.Гансүх, ТХХ-ны дарга Б.Болдбаатар нар оролцов.
Шагнал гардуулахын өмнө
тэмцээний аваргын төлөө тоглолтыг шүүн явуулсан шүүгч нар дурсгалын медалийг
гардуулав. Тус тэмцээнд оролцсон 16 багаас МХБХ-ны “Футзаалны нэгдүгээр лиг”-ийн
эрхийг авсан Халиун Од, Сор, Шинэ Налайх, Төв Буганууд, Арвис-2, Шонхорууд
болон медалийн төлөө өрсөлдсөн Шонхор, Капитрон, Хан-Уул, Номадик Хантерс гэсэн
нийт 10 клубийг танилцуулсан юм.
Харин тус тэмцээнд байрлал бүрдээ бусдыгаа манлайлсан шилдгүүдийг тодруулахад, шилдэг хаалгачаар “Номадик Хантерс” клубийн Т.Серлан мөн аваргын төлөө тоглолтод 4 гоолыг оруулж багтаа аваргын цомыг авчирсан Б.Ертис шилдэг тоглогчоор тодорсон бол тэмцээнд нийт 20 гоол оруулсан “Хан-Уул” клубийн Б.Цогтбаатар шилдэг довтлогчоор тус тус шалгарлаа.
Холбоотой мэдээ
