Улаанбаатар
БНСУ “e-barimt” системээс туршлага судална
МОНГОЛЫН МЭДЭЭ | ЭДИЙН ЗАСАГМонгол Улсад хэрэгжиж буй “e-barimt” системээс туршлага судлах хүсэлт БНСУ-аас иржээ.
Монгол Улс НӨАТ-н урамшууллын системийг нэвтрүүлсэн цөөн улс орнуудын нэг болсон. Энэ төрлийн систем нь эдийн засгийг эрүүлжүүлэх, татварын орлогыг нэмэгдүүлэх бүртгэл тооцоо сайжрах иргэд худалдан авалтын төлбөрийн баримтаараа сугалаанд оролцон урамшуулал авах зэрэг эерэг үр дүнтэй байдаг нь хэрэгжүүлсэн орнуудын хувьд батлагдсан.
Тайван, Словак, Португаль зэрэг амжилттай сайн хэрэгжсэн гаднын орнуудын туршлагаас манай улс судлан “ebarimt” системийг хийсэн байна. Системийг илүү боловсронгуй болгон технологийн инновацид суурилсан, бусад орнуудаас давуу талтай нь иргэд НӨАТ-ын 20 хүртэл хувийг буцаан авах урамшуулалд хамрагдах болсон нь хурдан хугацаанд үр дүнтэй болжээ.
“Ebarimt” системийг хэдийн гадны улс орнууд сонирхож эхэлсэн бөгөөд туршлага судлах, заавар зөвлөмж авах, хамтран ажиллах сонирхолоо илэрхийлсээр байна. Энэ удаад БНСУ-д зохион байгуулагдах энэ төрлийн сургалт семинарт “e-barimt” системийн талаар танилцуулга хичээл орох хүсэлтийг Гааль, Татварын мэдээллийн технологийн төвд тавьсан байна.
Н.Туяа
