Улаанбаатар
Хөл бөмбөгийн эмчийн цуврал сургалт 2023 онд үргэлжилнэ
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Хөл бөмбөгийн тамирчдад бэлтгэл, тэмцээний үед зонхилон тохиолддог тархи толгойн бэртэл гэмтлийн үед үзүүлэх яаралтай тусламж болон тамирчдын эрүүл мэндийн үзлэгийн сэдвээр цуврал сургалт болов.
Энэхүү цувралын 3 дугаар
сургалтыг зохион байгуулж дээд лиг, 1 дүгээр лиг, 2 дугаар лиг, эмэгтэйчүүдийн
дээд лиг, футзалын дээд лиг, 1 дүгээр лигийн клубуудын эмч, тамирчид хамрагдлаа.
Уг сургалтыг Үндэсний шигшээ багийн эмч Г.Мөнхзул, МХБХ-ны эмч Т.Отгонжаргал нар зохион байгуулж хэл залгих, ухаан алдах бэртэл гэмтлийн үеийн яаралтай тусламжийн аргууд болон тамирчдын эрүүл мэндийн үзлэгийн агуулга, аргуудын талаар танилцуулан, зөвлөгөө өгч танилцууллаа.
2022 оны 3 удаагийн цуврал сургалт амжилттай явагдсан бөгөөд 2023 онд энэ сургалтыг үргэлжлүүлэн явуулах тул багийн эмч тамирчдыг өргөн хамрагдахыг уриалж байгаа аж.
