Улаанбаатар
ХАА, байгаль орчин, уул уурхай, аялал жуулчлалын салбарт хамтрах шаардлагатайг онцоллоо
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. Гадаад харилцааны сайд Б.Батцэцэг Саудын Арабын Хаант Улсаас Монгол Улсад хавсран суух Элчин сайд Абдулрахман Ахмад Аль-Харбиг энэ сарын 10-нд хүлээн авч уулзлаа.
Уулзалтын үеэр сайд Б.Батцэцэг Элчин сайдыг Монгол Улсын Ерөнхийлөгчид Итгэмжлэх жуух бичгээ өргөн барьж, албан ёсоор үүрэгт ажилдаа орсонд нь баяр хүргээд манай хоёр улс НҮБ болон бусад олон улсын байгууллагын хүрээнд идэвхтэй хамтран ажиллаж буйд сэтгэл хангалуун байгаагаа илэрхийлж, цаашид байгаль орчин, уул уурхай, хөдөө аж ахуй, аялал жуулчлал зэрэг салбарт харилцан ашигтай хамтын ажиллагааг хөгжүүлэхийн чухлыг онцлов.
Элчин сайд Абдулрахман Ахмад Аль-Харби Итгэмжлэх жуух бичгээ өргөн барьсандаа баяртай байгаагаа илэрхийлээд хоёр улсын харилцааг бүхий л салбарт өргөжүүлэн хөгжүүлэхэд анхааран ажиллана гэдгээ тэмдэглэв.
